avatar
Куч
20.76
Рейтинг
+23.96

Khikmatov Nodir Nazimdjanovich

Мақолалар

Тошкент давлат шарқшунослик институтида ўтказилган тадбир ҳақида

ToshDSHI
Илм-фан







Тадбирда  институт ректори, ф.ф.д., профессор А.Маннонов, проректорШ.Арипов, Тошкент шаҳар Ички ишлар Бош Бошқармасининг Тергов Бошқармаси Терроризм ва экстремизм билан боғлиқ жиноятларни тергов қилиш бўлими бошлиғи подполковник Ибрагимов Зафар Хикматович ҳамда шу бўлим терговчиси лейтенант Т.Р.Бозорбоевлар қатнашдилар.


Тадбирни ўтказишдан кўзланган мақсад,бугунги кунда ўзларини ислом ҳимоячилари деб дунёга жар солаётган аслида эса исломга ёт ғояларни амалга ошираётган ИШИД каби террористик ташкилотнинг дунё давлатларининг суверентитетига раҳна солаётгани барчани бирдек ташвишга солаётгани сабабли талаба-ёшларни уларнинг пуч ғоялари таъсирига тушиб қолмасликка, сергагликка, огоҳликка чақиришдан иборат.
 




Маърузачилар томонидан мавзу доирасида турли савол-жавоблар ва ҳаққоний мисоллар билан талабаларнинг интерактив мулоқотга киришишларини таъминлаш орқали мавзу моҳиятини очиб беришга ва ёшларнинг тўғри хулоса чиқаришларига эришилди.
Шу билан бирга, маърузалар давомида талабалар ўзларини қизиқтирган саволлар билан мурожаат қилиб, мутахассислар жавобини олдилар.
 
 
Маънавият ва маърифат бўлими
 
 

Тошкент давлат шарқшунослик институтида “Халқаро муносабатларда дипломатик протокол ва этикетнинг аҳамияти” мавзусида давра суҳбати бўлиб ўтди

ToshDSHI
Илм-фан


Тадбирни институт проректори Ш.Арипов очиб, қуйидаги фикрларни билдирди.
Икки давлат ўртасидаги элчилик алоқалари ҳусусида гап борар экан, барчамизга маълумки, бундай алоқалар илдизи жуда қадимга бориб тақалади. Тарихдан бизга маълум бўлган Қадимги Хоразм, Қадимги Бақтрия, Сўғдиёна давлатлари ўртасида ҳам дипломатик алоқалар кенг йўлга қўйилган. Дунё тараққиётга юз тутиб боргани сайин  дипломатик алоқалар ҳам  ривож топиб такомиллашиб борди. Ҳозирги кунда дипломатик алоқалар ўзига яраша бир қолипга солинган десак янглишмаган бўламиз. Сиз талабаларга Халқаро муносабатларда дипломатик алоқалар бўйича қўшимча маълумот бериш мақсадида бугунги тадбирни ташкиллаштирганмиз.

ТДШИ да “Биз гиёҳвандликка қаршимиз” мавзусида ўтказилган тадбир ҳақида

ToshDSHI
Илм-фан
Сўзни “Ибн Сино” саломатлик маркази раҳбари Г.Усмонова очиб берди. У талабаларга  аср вабоси, унинг зарарли иллатлари ҳақида гапириб берди.
Сўнг, мавзу юзасидан тўлиқроқ маълумот бериш учун Ўзбекистон Республикаси саломатлик ва тиббий статистика институти ходими олий тоифали врач-валеолог Б.Рўзметовга сўз берилди. У енг аввало, соғлом турмуш тарзи йўналишлари ҳусусида тўхталиб ўтди. Саломатлик дейди Б.Рўзметов – бу нафақат касалликларнинг ёки жисмоний нуқсонларнинг йўқлиги, балки инсоннинг жисмоний, рухий, маънавий, ижтимоий ва иқтисодий барқарорлигидир.

Тошкент давлат шарқшунослик институтида “Ўқитувчи ва мураббийлар куни”га бағишланган “Устоз отангдек улуғ!” мавзусида ўтказилган тадбири

ToshDSHI
Илм-фан


Тошкент давлат шарқшунослик институти ректори профессор А.Маннонов, проректорлар, барча факультет деканлари ва декан муовинлари, кафедра мудирлари, институт профессор-ўқитувчилари, Ўзбек миллий академик драма театри жамоаси ҳамда 100 нафар талаба.
Байрам тадбири датур асосида ўтказилди.
Тадбирни институт ректори, филология фанлари доктори, профессор А. Маннонов ўзининг байрам табриги билан очиб берар экан, энг аввало юртбошимизнинг таълим соҳасига қаратаётган эътиборларини нечоғлик аҳамиятли эканлигини таъкидлаб ўтдилар. Таълим соҳасида олиб борилаётган кенг кўламли ишлар салмоғи ошгани билан бир қаторда ҳали амалга оширилиши керак бўлган вазифалар кўплигини айтиб ўтди. Ҳозирги глобал замонда таълим-тарбия олаётган олийгоҳимиз талабалари эртанги кунимиз эгалари эканликлари, уларнинг юртимиз равнақига муносиб ҳисса қўшадиган мутаҳасис қилиб етиштиришда машаққатли аммо шарафли касб эгалари бўлмиш институт профессор-ўқитувчиларини касб байрамлари билан самимий муборакбод этдилар. Сўнгинститут ректори барча профессор-ўқитувчилар институт раҳбарияти томонидан мукофат пуллари билан рағбатлантирилганлиги ҳақидаги буйруқни ўқиб эшиттирди. Шунингдек, фаол 16 нафар профессор-ўқитувчилар фаҳрий ёрлиқ ва совғалар билан тақдирланди.
Институт профессор-ўқитувчиларини Ўзбек миллий академик драма театри Ўзбекистон халқ актирисаси Лола Элтоева ўзининг самимий дил исхорлари билан устоз ва мураббийларни муборакбот этди. Лола Элтоеваўзининг шундай олий мақомга эришишида сиз устозларнинг меҳнатингиз беқиёсдир деб такидлаб ўтдиўз сўзида. Шундан сўнг табрик учун сўз институтнинг 1 курс талабаси Рахимбоева Офтобхонга берилди. У авваламбор ўзининг талабалик бахтига муяссар бўлганлигидан бахтиёр эканлигини ва бунинг учун ўз устозларидан миннатдорлигини таъкидлади.
Шунингдек у тадбирда қатнашаётган профессор-ўқитувчиларни                 1 октябрь — “Устоз ва мураббийлар куни”  билан самимий муборакбот этди.
Шу куни тадбирнинг бадий қисмини Ўзбекистонда хизмат кўрсатган артист Тохир Содиқов ва болалар гуруҳи ўзининг ёқимли куй-қўшиқлари билан устоз ва мураббийларга ажойиб кайфият улашди. Тохир Содиқов ўз чиқишлари сўнгида устоз ва мураббийларни байрами билан табриклади.
Шундан сўнг институтнинг “Қувноқлар ва зукколар” жамоаси ўз чиқишлари билан устоз ва мураббийларга табассум улашди.
Тадбир сўнггида бошловчи устозлар ҳақидаги чиройли бир шеър билан институт профессор-ўқитувчиларини яна бир карра касб байрамлари билан муборакбод этиб,  байрам тадбирини якунлаб берди.
 
Маънавият ва маърифат бўлими
 

Янги ўқув йили муборак!

ToshDSHI
Илм-фан


       Куни кеча она юртимиз ўз мустақиллигининг йигирма тўрт йиллиги байрамини катта шодиёна билан кутиб олди. 2-сентябр куни эса Республикамизда “Билимлар куни” – янги ўқув йили бошланиши муносиб қарши олинди. Ушбу мухим сана Тошкент давлат шарқшунослик инстиутида ҳам ўзгача тантана билан кутиб олинди. Институт юқори босқичидаги талабалари қаторида 1-курсга қабул қилинган талабалар учун бу кун унутилмас кун бўлди.

Халқаро гиёҳвандликка қарши кураш куни

ToshDSHI
Илм-фан


19.06.2015 куни Институтнинг Талабалар турар жойида “Ҳалкаро гиёҳвандликка қарши кураш куни”га бағишланган «Бизнинг юртимиз ва келажагимиз гиёҳванд моддаларсиз» мавзуда давра сухбати ташкил этилди. Давра суҳбати давомида гиёҳванд моддаларни ёш организма таъсири механизмлари ҳақида савол-жавоб шаклида баҳс-мунозара бўлди. Тадбир талабалар турар жойида истиқомад қилувчи талаба-ёшларни яна бир бора огоҳликка ундади.

Тошкент давлат шарқшунослик институтида 26 июнъ -“Халқаро гиёҳвандликка қарши кураш куни” муносабати билан ўтказилган тадбирлар тўғрисида М А Ъ Л У М О Т

ToshDSHI
Илм-фан


Мамлакатимизда наркотик моддаларни назорат қилиш давлат комиссияси томонидан июнь ойи “Гиёҳвандликка қарши курашиш”деб эълон қилиниши муносабати билан институт доирасида қуйидаги тадбирлар ташкил этилди:
01.06.2015 куни 1 июнда Ҳалқаро гиёҳвандликка қарши курашиш кунига бағишланган Миробод тумани 1 — оилавий поликлиникасининг бўлими бошлиғи М.У.Раззакова, Миробод тумани бош инфекционисти М.Акбарова, Шаҳар наркологик диспансерининг шифокори С.З.Мухаммедов, Табиий фанлар секцияси ўқитувчилари ва «Ибн Сино саломатлик маскани» мудири Г.У.Усманова иштироқида “Гиёҳвандлик ОИТС касаллигини юқтиришда асосий омил” мавзусида давра сухбати ва тренинг ўтказилди. Мазкур суҳбат давомида гиёҳвандлик оқибатида ортириладиган касалликлар ҳақида тўхтаб ўтилди ва барчани ундан огоҳ бўлишга чақирилди.
06.06.2015 куни “26 июнъ — Халқаро гиёҳвандликка қарши кураш куни” муносабати билан “Гиёҳвандликнинг олдини олиш”, “Гиёҳвандлик умр заволи”, “Чекишга қарши кураш куни” мавзуларида тиббий-профилактик тадбир ўтказилди. Тадбирда услубиятчи шифокор А.Ширинова ва С.Муллаева иштирок этиб, йиғилганларга ўзларининг қизиқарли маърузаларини тақдим этдилар. Шунингдек, тадбирда институт раҳбарияти, белгиланган йўналиш мураббийлари ва талабалари ҳам иштирок этиб, ўзларини қизиқтирган кўплаб саволларга жавоблар олдилар.Тадбир сўнгида талабаларга мавзуга оид маслаҳат ва тавсиялар берилди. Тадбир барчада катта тассурот қолдирди.
10.06.2015 куни “26 июн — Халқаро гиёҳвандликка қарши кураш куни” муносабати билан Институтнинг хотин-қизлар қўмитаси раиси У.Мавлянова, хорижий мамлакатлар иқтисодиёти факультети хотин-қизлар қўмитаси раиси Ж.Хасанова Тошкент шаҳар, Миробод туманида ўтказилган “Маънаятимизни асрлайлик” номли давра-суҳбатида қатнашди. Тадбирда Миробод туманида жойлашган “Чинор” маҳалласи маслаҳатчиси М.Вохидова, “Мустақиллик” маҳалласи маслаҳатчиси Н.Хасанова, “Олмазор” маҳалласи маслаҳатчиси М.Пулатова, “Куйлук Ота” маҳалласи маслаҳатчиси Д.Қодировалар иштирок этиб, ёшларни ёзги таътилини самарали ўтказиш, уларни соғлом турмуш тарзига риоя этиш масалалари юзасидан фикр алмашилди.
11.06.2015 куни институтнинг Хорижий мамлакатлар иқтисодиёти факультетида талаба-ёшлар ўртасида Халкаро гиёҳвандликка қарши кураш кунига бағишланган тадбирлар ўтказилди.Ушбу тадбир давомида захри қотилнинг оқибатлари тўғрисида сўз бориб, гиёҳвандликнинг зарарли оқибатлари ҳақида слайд-презентацияси намойиш этилди.
18.06.2015 куни Тошкент давлат шарқшунослик институти, Тошкент тиббиёт академияси, “SHARQ MASH`ALI” ўқув маркази билан ҳамкорликда жорий йилнинг 18 июнъ куни тадбир ўтказилди. “26 июнъ — Халқаро гиёҳвандликка қарши кураш куни” мавзусидаги тадбирда Институт хотин-қиззлар қўмитаси раиси У.Мавлянова Факулътет хотин-қизлар қўмитаси раислари, Тошкент тиббиёт академияси хотин-қизлар қўмитаси раиси тиббиёт фанлар номзоди Л.Абдуқодирова “SHARQ MASH`ALI” ўқув маркази раҳбарияти вакили, институт профессор ўқитувчилари ва талаба-ёшлар иштирок этдилар.Тадбирда гиёхванд моддаларнинг зарарли оқибатлари, она ва бола хаётига ҳамда бутун жамиятга зарар келтириши ҳақида сўз борди.

Oq yo'l sizga, yosh sharqshunoslar!!!

ToshDSHI
Илм-фан



Toshkent davlat sharqshunoslik institutida 2014-2015-o‘quv yili magistr va bakalavr bosqich bitiruvchi talabalariga tantanali ravishda diplom topshirish tadbiri bo‘lib o‘tdi.
            Tadbir institutning 2014-2015-o‘quv yili magistr va bakalavr bosqichi bitiruvchi talabalarining diplom olish marosimiga bag‘ishlandi. 

Маънавий - маърифий тадбир

ToshDSHI
Илм-фан


Хозирги кунда дунёнинг турли ҳудудларида нотинчликлар, кескин қарама-қаршиликлар рўй бермоқда. Жумладан, Яқин Шарқ мамлакатларида, хусусан, Ироқ ва Сурияда бўлаётган тўқнашувлар, унда юзлаб бегуноҳ одамларнинг қурбон бўлаётганлиги инсон қалбини ларзага солади, тинчликпарвар кишиларни янада хушёр ва огоҳ бўлишга ундайди.Шу муносабат билан ТошДШИ да  А.Тулепов томонидан тайёрланган “ ИШИД фитнаси “ китоби бўйича талабаларнинг исломшунос мутахассислар билан учрашуви бўлди. Улар мазкур китобда террорчи тўдаларнинг қилмишлари, тинч аҳолига  зулм қилаётганликлари,  бошқарувни қўлга олиб, ислом давлатини тузмоқчи бўлаётганликлари ислом дини моҳиятига зид эканлиги аниқ  далилий хужжатлар асосида исботлаб берилганлиги, бу жиноятчиларнинг асл мақсадлари ислом динини ниқоб қилиб, давлатларни хароб этишдек разил ва қора ниятларига эришиш эканлигининг асл моҳияти очиб берилганлиги хақида фикр билдирдилар. Тадбир сўнгида талабалар ўзларини қизиқтирган саволларга жавоб олдилар.      
 
ТДШИ маънавият ва маърифат бўлими

ТДШИ да “Гиёҳвандликка қарши кураш ойлиги” муносабати билан ўтказилган тадбир ҳақида

ToshDSHI
Илм-фан
Тошкент давлат шарқшунослик институти факультетларида 2015 йил 9 июнь куни “Гиёҳвандликка қарши кураш ойлиги” муносабати билан Тошкент шаҳар тиббиёт бирлашма, туман тиббиёт бўлимининг бир гуруҳ ҳодимлари билан ҳамкорликда институтдатаҳсил олувчи талабалар иштирокида соғлом турмуш тарзига бағишланган давра суҳбати ташкил этилди.
 
Тиббиёт ҳодимлари О.М.Агзамова, Х.Холматова, Е.Н.Чурсина, Ш.Х.Алимова, М.А.Ҳидоятова, Е.А.Клевлева ва бошқалар томонидан “Гиёҳвандликка қарши кураш – барчанинг бурчи”, “Гиёҳвандлик – давр вабоси”, “Жисмоний фаоллик ва спорт”, “Экология ва саломатлик”, “Зарарли одатлар, чекиш, ичиш ва гиёҳвандликнинг олдини олиш”, “Беғараз донорлик”, “Гиёҳвандлик касаллиги” мавзуларида маърузалар ўқилди ва фикр алмашилди. Талабалар мазкур давра суҳбатларидан соғлом турмуш тарзига оид кўплаб билимларга эга бўлишди ва ўзларини қизиқтирган саволларга жавоб олишди. Келгусида ҳам тиббиёт муассасалари билан мана шундай ҳамкорлик олиб боришга келишиб олинди.
 

Тошкент давлат шарқшунослик институтида 14 январь – Ватан ҳимоячилари куни муносабати билан ўтказилган ТАДБИР

ToshDSHI
Илм-фан


     14 январь куни Тошкент давлат шарқшунослик институтида “Ватан ҳимоячилари куни” муносабати билан “Ватан ҳимояси – муқаддас бурч” мавзусида тантанали байрам тадбири бўлиб ўтди.


Тадбирда институт раҳбарияти, профессор-ўқитувчилар, фахрий меҳмонлар, Тошкент Олий умумқўшин қўмондонлик билим юрти офицерлари, курсантлари ва ҳарбий оркестр, Ўзбекистон Миллий университети қошидаги ҳарбий кафедра офицерлари иштирок этдилар.


Тадбирни институт ректори ф.ф.д., проф. А.Маннонов табрик сўзи билан бошлаб берди. Ректор ўз сўзида — Юртбошимиз раҳнамоликларида юксак талабга жавоб берадиган, тезкор, ташкилий жиҳатдан мукаммал, замонавий қурол ва техника билан таъминланган миллий армиямизни барпо этиш йўлида кенг кўламли ислоҳотлар амалга оширилди. Бунинг самарасида армиямиз нафақат сарҳадларимиз дахлсизлиги ва халқимиз осойишталигининг ишончли ҳимоячиси, балки ёшларда чинакам ирода ва характерни тоблайдиган ўзига хос мактабга айланди. Бунинг натижасида ёшларимиз орасида армияда хизмат қилишга қизиқиш ва интилиш кучайиб бораётганлиги ҳақида фикр билдирди.


O’zbekiston va Hindistonning 20 yillik diplomatik aloqalari

ToshDSHI
Илм-фан

Janubiy Osiyo Tillari kafedrasi


 katta o’qituvchisi Sodiqova M.K


               O’zbekiston va Hindiston o’rtasidagi diplomatik  aloqalarning o’rnatilganiga 20 yil to’ldi. 20 yil avval Hindiston birinchilar qatorida O’zbekiston mustaqilligini tan oldi.Bu bilan bu ikki mamlakatlar o’rtasidagi aloqalar 20 yil oldin o’rnatildi desak xato bo’ladi,chunki bizning aloqalarimiz uzoq tarixga borib taqaladi.Bizning xalqlarimiz asrlar davomida o’zaro madaniy va savdo-sotiq aloqalarini qizg’in olib borganlar va qadimdan bir-birlarining turmush tarzi,madaniyati,tili, adabiyoti, qo’shiqlari va milliy raqslariga katta qiziqish bilan qaraganlar.Hattoki bugungi kunga kelib ham bu aloqalar rivojlanishda davom etmoqda.Shuni aytish joizki, Sobiq Sovet Ittifoqi davrida O’zbekiston dunyodan uzilib qolgan yillarida ham, bu ikki davlat o’rtasidagi aloqalar to’xtab qolmadi.Toshkentda Hindiston vakolatxonasi  ham ish boshladi.Shu bilan bir qatorda hind kino yulduzlari O’zbekiston zaminida hurmatli va sevimli mehmonlar bo’lib tanilgan.


           O’zbekiston faqatgina madaniy munosabatlar tutashadigan makon sifatidagina emas,balki Osiyo qit’asining muhim siyosiy ahamiyatiga ega bo’lgan davlatlardan biridir.Hammamizga ma’lumki, Hindiston va Pokiston o’rtasidagi qurolli nizolarga barham bergan 1966-yildagi shartnoma ham Toshkentda imzolangan edi.O’zbekiston mustaqillikka erishgach ikki davlat o’rtasida 74dan ortiq o’zaro aloqalarni yanada rivojlantirishga xizmat qiladigan va turli xildagi muammolarni hal qilishga doir shartnomalar imzolandi.Biz hamkorlikning yangi sohalarini rivojlantirish va turli xildagi tashkilotlar,o’zaro rasmiy uchrashuvlar va tajribalar almashinish tizimini yo’lga qo’ydik.Bizning mamlakatlarimizning siyosiy tizimida o’xshashliklar juda ko’p.Ayniqsa mintaqaviy va global muammolarni hal etishdagi yondashuvlarimiz juda o’xshash,deyarli bir xil.O’zbekiston va Hindiston BMT,OTB(Osiyo taraqqiyot banki),Shanhay hamdo’stlik tashkiloti va boshqa xalqaro tashkilotlar bilan faol hamkorlik qilib kelmoqdalar.O’zbekiston BMTning 2011-2012-yillardagi konsulligi uchun Hindiston nomzodini qo’lllab-quvvatladi va shuningdek davlatlarimiz Shanxay hamdo’stlik tashkilotining rivojlanishi  uchun o’xshash fikrlarga ega.Bundan tashqari O’zbekiston  Hindistonni bu tashkilotning to’liq a’zosi sifatida qo’shilish taklifini ko’tarib kelmoqda.  Chunki  bu tashkilotning nufuzini yanada oshiradi va dunyo siyosiy maydonidagi ta’sirini kuchaytiradi. Iqtisodiy munosabat, energetika, transport va kommunikatsiya kabi sohalarda juda katta imkoniyatlarga ega bo’lgan ikki mintaqa Janubiy va Markaziy Osiyoda tinchlik va barqarorlikni saqlash Hindiston va O’zbekistonning maqsadlari tutashgan nuqtadir. Biroq bizning imkoniyatimizni to’laqonli amalga oshirishimizga Afg’onistondagi beqarorlik imkon bermayotganligi achinarli holdir. Uzoq urushlardan charchagan Afg’onistondagi barqarorlik mamlakatlarimiz uchun juda ahamiyatlidir. O’zbekiston Afg’onistondagi tinchlik va  barqarorlikning qayta tiklash doimiy tarafdorlaridan biridir. Bizning aloqalarimizning yana bir asosiy omillardan biri  xalqaro terrorizmga qarshi kurashdir. Terrorizm va terrorizm go’yasiga qarshi kurashish uchun O’zbekiston va Hindiston yetarlicha tajriba va moliyaviy zahiraga egadir. Bu sohada hamkorlikni yanada rivojlantirish maqsadida  2011-yilning fevral oyida Dehlida terrorizmga qarshi kurashish tashkilotining yig’ilishi bo’lib o’tdi. So’nggi yillarda davlatlarimiz o’rtasidagi iqtisodiy aloqalarning rivojlanayotganligini aytish quvonchlidir. Aniqrog’i, turizm, to’qimachilik, dori-darmon, mashina ehtiyot qismlari, kimyo sanoati va boshqa sohalardagi hamkorligimiz jadal sur’atlardagi jadal sur’atlarda rivojlanib bormoqda Mamnuniyat  bilan shuni aytish joizki Hindiston turizm sohasida birinchi raqamli hamkorga aylanib bormoqda. Masalan 2011-yilda O’zbekistonga tashrif buyurgan hind sayyohlari 15 ming nafarga oshdi.


                Hindiston O’zbekistonning iqtisodidagi eng katta sarmoyadorlardan biridir, 2007-2010-yilgacha bo’lgan vaqt davomida O’zbekiston iqtisodiga Hindiston 33.5 mlndan ortiq AQSH dollari miqdorida sarmoya kiritdi. Hindistonning xorijiy sarmoya kiritish rejasi bilan bir qatorda yana 2ta loyihani amalga oshirish ham muvafaqqiyatli amalga oshirilmoqda. 143.78 mln $lik birinchi loyiha to’qimachilik sohasida “Spentex industries” tomonidan amalga oshirilmoqda 25mln $lik avtomobil ehtiyot qismlari ishlab chiqarishga qaratilgan 2- loyiha “Minda Group” tomonidan ishlab chiqildi.


             So’nggi bir necha yillar mobaynida biz savdo aloqalarimizning rivojlanishi va kengayishini ta’minlab kelyapmiz.2012-yilning  10-oyiga qadar O’zbekiston Hindistonga eksporti 17.6mln$, Hindistonning O’zbekistonga eksporti  119mln $ni, ikki davlat o’rtasidagi eksport miqdori 136mln$ tashkil etishi rejalashtirilmoqda.


            Hozirgi kunda O’zbekistonda hindlarning 18ta kompaniyalari o’z  ofislariga ega, 62 ta Hindiston sarmoyalari evaziga faoliyat yuritayotgan korxonalar ham bor.Bularning tarkibiga yana 11 ta xorij sarmoyasi evaziga faoliyat olib borayotgan korxonalar kiradi.


Aviatsiya sohasida ham bir qancha yutuqlar qo’lga kiritilmoqda,hozirgi kunda “Toshkent-Dehli-Toshkent” yo`nalishlari soni oshdi ya`ni umumiy haftasida 5 marta parvozlar joriy qilindi. Bundan tashqari keyingi  masalalardan biri “Samarqand-Toshkent- Mumbay”  yangi havo yo`lini ishga tushirishdir.


 Munosabatlarimizning muhim qirralaridan biri axborot texnologiyalari sohasidagi hamkorlikdir. O`tgan yillar mobaynida Toshkent  Axborot Texnologiyalari Instituti qoshidagi Hindiston-O`zbekiston  Javahar  Lal  Neru  nomidagi Axborot texnologiyalari markazi loyihasi tuzildi. Bu markaz Hindiston bosh vaziri Man Mohan Sinkhning 2006-yil aprel oyidagi O`zbekistonga rasmiy tashrifi vaqtida 30 mln hind rupiyasi yordami bilan tashkil etildi va rasmiy ish boshladi.


  Informatsion texnologiyadagi qo`shma guruhi har ikki davlatning informatsion texnologiyalarining muammolari muhokama etiladigan asosiy guruhidir. Qo`shma ishchi guruhining eng so`nggi majlisi 2011-yilning yanvar oyida Dehlida bo`lib o`tdi.


  Davlatlarimiz ITEC va ICCR programmalari asosida ta`lim sohasidagi aloqalarni rivojlantirib kelmoqda. O`zbekiston 1993- yilda ITEC programmasiga a’zo bo`ldi. Shundan beri O`zbekistonning ITEC dagi ishtiroki jadal suratlarda o`sib bormoqda.


   2011-yilning may oyida president I.Karimovning  Hindistonga tashrifi mobaynida O`zbekiston uchun manfaatli bo`lgan ITEC dasturlari bo`yicha Hndistonga tajriba almashish maqsadida yuboriladigan mutaxassislar soni 150 nafarga yetdi.


  Boshqa hind o`quv mashg`ulotlari va yordam ko`rsatuvchi dasturlari ICCR tomonidan ajratilgan jabhalarni o`z ichiga oladi.


  ICCR tomonidan umumiy madaniyat grantlari va madaniyat almashinuvi programmasi asosida o`zbekistonlik talabalar uchun 20dan ortiq sohalarda keng imkoniyatlar yaratildi.


  Madaniy aloqa bizning munosabatlarimizning eng faol sohalaridan biridir. Hindiston va uning noyob, o`zigagina xos madaniyati, tili, tarixi, urf-odatlari va an`analari, falsafasi va hindlarning yashash tarzi hamisha o`zbek xalqini hayratga solgan. Ayniqsa hind filmlari va musiqa yulduzlari O’zbekistonda juda mashhur va sevib tomosha qilinadi.


  O`rni kelganda aytish joizki, biz hind xalqining O`zbekiston tarixi, madaniyati, adabiyoti, qadriyatlariga bo`lgan qiziqishini yuqori baholaymiz va qadrlaymiz. Hind qo`shiqchilari va raqqosalari har 2 yilda Samarqandda o`tkaziladigan “Sharq taronalari” musiqa festivalining an`anaviy ishtirokchilaridir. 2011-yil avgustdagi bu festivalning ishtirokchilarini xalqimiz do`stona qa’bul qildi.


  O`zbek san`tkorlari shuningdek doimiy ravishda Hindistonga tashrif buyurishadi. Xususan 2009-yilda Sabo raqs guruhi Dehli, Lakhnau, Bangalorda o`z san`atlarini namoyish qildi, hamda 2010-yilda “O`zbegim yoshlari” guruhi  Dehli va Agraga tashrif buyurdilar.


 O`zbek madaniy guruhlari Suraj Kund Crafts Mela ning an`anaviy ishtirokchilaridandir. Binobarin 2011-yil fevralda ikki o`zbek raqs guruhlari Suraj Kundda O`zbekistonning vakili sifatida ishtirok etadilar. Bu festivalning shu yilgi sonida Xorazm viloyatining madaniyat ahli O`zbekiston nomidan qatnashdilar. O`zbekiston prezidenti  I.Karimovning 2011-yil may oyida Hindistonga qilgan rasmiy tashrifi so`nggi yillarda ikki davlat o`rtasidagi aloqalarning rivojlanishida muhim ahamiyat kasb etdi. Bu tashrif natijasida O`zbekiston va Hindiston o`rtasida uzoq yilga mo`ljallangan do`stona aloqalarni o`z ichiga olgan 34 hujjat imzolandi. Kiritilgan iqtisodiy sarmoya 2.2 mlrd AQSH dollaridan oshib ketdi. Mamlakatimiz orasidagi diplomatik aloqalarga asos solinganligining 20 yilligi munosabati bilan har ikki davlatda  ham madaniy aloqalarning soni rejalashtirib chiqildi.


Ishonamizki, ikki tomonlama manfaatli aloqalarning 20 yillik tajribasi, o`zaro hurmat, do`stlik va ishonchga asoslangan aloqalarimizning  keng ko`lamli doirasi bizga yangi imkoniyatlar eshigini ochadi.


 


Foydalanilgan adabiyotlar:


  1. Extraordinary and Plenipotentiary Diplomatist (Vol.IV.,Issue No.3.,March 2012)

  2. Visit of Prime Minister Dr.Manmohan Singh to Germany &Uzbekistan(April 22-26 2006)(Ministry of External Affairs Government of India)

  3. “Aaj” ro’znomasi sahifalari (2012 yil)

  4. “Jansat”ro’znomasi sahifalari (2012 yil)

  5. “Xalq so’zi” ro’znomasi sahifalari


Internet saytlari:


  1. www.diplomatist.com

  2. www.india.ru

Яссавийлик тариқатининг ёйилиши ва тариқат вакилларига хориж олимларининг муносабати

ToshDSHI
Илм-фан

 


Қаҳрамон Исмоилов


Яссавийлик, кубровийлик ва нақшбандийлик тариқатининг ривожланиш даври айни мўғул истилосига тўғри келади. Тарихчи Т.Арнольднинг ёзишича, мўғул истилосидан кейин қаттиқ қўрқув ва қийинчиликка гирифтор бўлган халқ, тариқатларни ўзлари учун руҳий тасалли манбаи сифатида эътироф этдилар. [1].


Туркийларга хос бўлган яссавийлик тариқати XIII асрдан XV асргача Марказий Осиё, Хоразм, Кавказ халқлари ва Ўрта Волга татарлари орасида тарқалди.  


 


Инглиз тасаввуфшуноси Ж.Тримингэм Хожа Аҳмад Яссавийнинг фаолиятига муносабат билдирар экан, уни туркий тилдаги ижодига, илоҳий «йўл»ни англаш ва англатишдаги саъй-ҳаракатларига ишора қилади. Унинг таъкидлашича, Яссавий асос солган таълимот диний ижтимоий ва маданий тармоқларга эгадир. Айни таълимот туркий қабилаларни исломлаштиришда, исломни туркий кўчманчилар орасида жорий қилишда, форсий-туркий тиллар ўртасида вужудга келишида, яъни Аҳмад Яссавий ва унинг издошлари асарларининг осон ўқилишида катта рол ўйнаган [2]. Олим бу ерда Яссавийнинг машҳур издошларидан бири Юнус Эмронинг ҳам шеърларини назарда тутгандир. Яссавий таълимоти Ж.Тримингэм таърифича, дарвешлар тариқати бўлиб, на бир турғун оқимга, на бир доимий ҳудудга эга бўлгандир. Ундан ташқари яссавийликнинг Марказий Осиёдаги исломдан ажратиб турадиган нарса шуки, у шайхлар мақбараларининг ҳамда муқаддас қадамжойларнинг қаршисида вужудга келган. Олимнинг таъкидлашича, Яссавий йўли муқаддас, афзал бўлган диний амалиётдир. Ушбу тариқат қадимги исломгача ва ундан кейин ҳам сақланиб қолган динларни сиқиб чиқарган бўлиб, яссавийлик дарвешлари уни дунёнинг турли ҳудудларига ёйганлар. Олим ушбу тариқатнинг ёйилишини қуйидагича баён қилган: «Бу тариқатнинг давомчилари тариқатни аввал ўз юртларида ёйдилар, кейин секин-аста бутун Туркистон ва Қирғизистонга, Шарқий Туркистондан Волгадаги Трансоксион вилоятининг шимолига, жанубдан Хуросонга ва Озарбайжоннинг ғарбига, сўнгра Кичик Осиёга Юнус Эмродек кишилар ёрдамида тарқатдилар [3].


Хуросон, Шимолий Эрон ва Онадўлида яссавийлик гуруҳлари ташкил топди. Яссавийлик нақшбандийликнинг зуҳурига қадар туркий диёрларда асосий нуфузга эга эди. Нақшбандийлик тариқати шакллангач, яссавийлик унинг бағрига сингиб кетади. Шу сингари яссавийликнинг ўрнини нақшбандийлик эгаллайди. Ўша даврда нақшбандийлик яссавийликка нисбатан мавқеи анча юксалиб кетганига қарамай, Сайҳунда, қирғиз-қозоқ адирларида яссавийлик ҳазратларининг нуфузи ва аҳамияти асло камаймади, бошқа бирон тариқат унинг ўрнини боса олмади [4]. Аҳмад Яссавий худди Туркистон ўлкасидагидек, Озорбайжон, Онадўли ва Болқон бўйларигача чўзилган ҳудудларда яшовчи аҳолининг маънавий ҳаётида ҳам ўчмас из қолдирди. У яшаб ижод қилган давр салжуқийлар давлатининг давомчиси сифатида юзага келган Онадўли салжуқийларида турли тариқатлар бўлса-да, унинг туркийлашуви ва исломлашувида яссавийлик дарвешларининг ҳиссалари бордир. Яссавийнинг издошлари бу тариқатни ёйишда кўп юртларни кезиш билан бирга, ерлик аҳолига ўз ҳикматлари ёки пирларининг насиҳатлари орқали таъсир кўрсатган.  


Ана шундай яссавийлик дарвеш шоирларидан бири Юнус Эмро бўлиб, кўпгина хориж олимлари томонидан тилга олинади [5]. Жумладан, немис олимаси Аннемарие Шиммел ҳам, ўз асари, «Қирқ сўфий»да унинг шахсияти ҳақида тўхталиб, айрим ҳикматларидан келтиради [6]. А.Шиммел фикрига кўра, у турк анъанасидаги биринчи мистик шоирдир. XIII асрда туркий мистик адабиёт шакллангандан кейин у ўз номи билан оддий ва қўшиқбоп мистик шеърлар ярата бошлади. Юнус Эмронинг шеърлари, у яшаб турган давр сўфийларидан ҳам бектошийлар адабиётига ҳамоҳанг эди. Олиманинг таъкидлашича, Юнус Эмронинг ижодий заҳирасидан кейинчалик кўплаб шоирлар илҳом олган ва дарвешлар завқ билан куйлаганлар. А.Шиммел Юнус Эмронинг шеърларидаги ғоя қандайлигини қуйидаги мисралари орқали ифода этади:


 


Қара, ишқ мендан нима яратди,


Мен Сени истайман — ёлғиз Сени.


 


Ва у ўз ишқида, истагида бутун табиатни ҳамдард қилди, ишқ азобини бирга туймоққа чорлади.


 


Тез орада шамолдек елиб кетаман,


Тез орада қизиган йўлдек тўзиб кетаман,


Тез орада асов дарёдек оқиб кетаман,


         Қара, ишқ мендан нима яратди.


Юқорида келтирилган мисраларда Яратганга бўлган ишқ-муҳаббат тараннуми акс этмоқда. А.Шиммел Ю.Эмронинг шахсияти ҳақида кўп тўхталмайди, фақат унинг вафот этган санасини 1321 йил деса, Ж.Тримингэм «Исломда тасаввуф тариқатлари»да ушбу санани 1339 йил деб беради. Орадаги тафовут 18 йилни кўрсатмоқда, қай бири ҳақиқатга яқин?! А.Шиммел Юнус Эмро ва Авлиё (Асаф Ҳолит) Чалабийлар тариқатларининг асосчиси Хожа Аҳмад Яссавий эканлигини айтмайди.


Шундай қилиб, яссавийлик тариқати издошлари томонидан кўп жойлар фатҳ этилди. Ўша давлатлар сирасига Онадўли, Жанубий Европа ва Осиё диёрлари кириб, уларга яссавийлик тариқати фикр-қарашларини тарғиб қилганлар Юнус Эмро, Ҳожи Бектоши Валий, Сулаймон Боқирғоний ва бошқа шоиру адиблардир.


 


 


Изоҳлар:


 


1. T.W.Arnold, Intiєar-I Islam Tarihi, зev: H.Gьndьzler, Ankara. 1971. s 339.


2. Тримингэм Дж. (айни асар) с 58; The Encyclopeadia of Islam Volume I. A-B. Leiden E.J.Brill. London Luzac & Co. 1960.


3. The Encyclopaedia of Islam… Vol. I. A-B.


4. Kхprыlы M.F. Tыrk Edebiyatinda Ilk Mutasavviflar.- (7. Baski) Ankara-1991.s. 117-118.


5. Edouard Roditi. «Western and Eastern Themes in the Poetry of Yunus Emre», Journal of Comparative Poetics, No. 5, The Mystical Dimension in Literature (Spring, 1985), p. 27; Cevdet Kudret. Yunus Emre. Ankara: Эnkэlвp Kitabevi, 2003. p. 58; Grace Martin Smith. The Poetry of Yunus Emre, A Turkish Sufi Poet. Berkeley and Los Angeles: University of California Press, 1993; Turgut Durduran. YUNUS EMRE. durduran@force.stwing.upenn.edu.


6. Schimmel A. Garten der Erkenntnis. Das Buch der Vierzig. Sufi: ~ Meister: DIE DERICHS GELBE REIHE. 1993.

Бандлик соҳасидаги ижтимоий шериклик моделлари

ToshDSHI
Илм-фан

Мирзакаримова Муяссар


ТошДШИ “МДҲ мамлакатлари иқтисодиёти ва


мамлакатшунослиги” кафедраси


доценти,


иқтисод фанлари номзоди


Ишловчиларнинг корхоналар бошқарувидаги иштироки даражаси бўйича ва уларнинг манфаатлари ва ижтимоий – меҳнат ҳуқуқларининг ваколатлилигига кўра, жаҳон амалиётида учта ўзига хос моделлар вужудга келди.


Биринчи  модель —касаба уюшмалари ваколатхонаси. Қатор мамлакатларда  (АҚШ, Канада, Япония, Польша, Буюк Британия, Ирландия, Италия ва б.) корхоналардаги касаба уюшмалари ташкилоти қонун бўйича нафақат касаба уюшмаси аъзоларининг вакили,  балки касаба уюшмасига кирмайдиган барча ишчиларнинг ҳам вакили ҳисобланади. Одатда иш берувчи “энг ваколатли уюшма” ни эътироф этади.  Низоли вазиятларда иш берувчининг ваколатхона жамоа музокараларини олиб боришдан воз кечиши  фақат мазкур ваколатхонадаги ваколатлари АҚШ меҳнат муносабатлари бўйича Миллий бошқарма сертификатини бериш йўли билан расман тасдиқланган касаба уюшмаси томонидан эътироф этилади. Келтирилган сертификатни фақат аъзоларининг камида 30% и корхона ишчилари ҳисобланган касаба уюшмаси олади[1]. Бироқ АҚШ ҳозирги  қонунчилик  ишчилар ваколати шаклларини ҳам истисно этмайди[2]. Мутлақо ўзига хос касаба уюшмалари ваколатхоналари тизими Буюкбританияда мавжуд. У миллий қонунчилик даражасида легаллаштирилмаган, балки одатда цех кексалиги (шоп-стюардлар) ва цех кексалиги қўмиталари ваколатлари белгиланадиган жамоа шартномалари билан тартибга солинади.


Туркистонда Шарк хотин-қизларига тиббий ёрдам хизмати тарихидан

ToshDSHI
Илм-фан

Санобар ШОДМОНОВА      


      XIX аср охири — XX аср бошларида Туркистонда аёлларга тиббий ёрдам кўрсатиш катта муаммолардан бири ҳисобланган. Туркистонда аёллар учун очилган махсус биринчи тиббий муассаса Тошкент шахрида 1883 йилда очилган эди. Унгача, аёллар фақат камдан-кам холатларда истисно тариқасида эркак врачларга мурожаат килинган[1]. Тошкентнинг эски шахар қисмида ташкил этилган амбулаторияда фақат аёл тиббиёт ходимлари хизмат қилган. Аёллар ва болаларга касалхонада бепул ёрдам бажарилган, дорилар, сув муолажалари, оддий операциялар ва боғлаш ишлари бепул кўрсатилган.   



Ўрта Осиё халқларининг қадимий маънавий мероси

ToshDSHI
Илм-фан

 


п.ф.н. Д.А.Зоҳидова


 (ТДШИ, Педагогика ва жисмоний тарбия кафедраси)


 


    Инсонпарвар, ҳуқуқий-демократик ва фуқоролик жамиятини барпо этиш ўз-ўзидан бўлмайди, балки ўзидан олдинги тарихий манбаларга суянган ҳолда тажриба, моддий ва маънавий мерос асосида қурилади. Буюк аждодларимиз яратган маънавий бойликлар таъсирида янги авлодни тарбиялаш шу куннинг долзарб вазифасидир. Бу маънавий ва моддий бойликлар тарих силсилаларига бардош берган, турли ҳаёт ва табиат қийинчиликларини босиб ўтган ҳақиқий ҳаракатлар натижасидир.


       Халқимиз меросининг ноёб намуналарини аниқлаш ва тўплаш, уларни асраб авайлаш, халқ, айниқса, ёшлар ўртасида тарғиб қилиш, улар орқали мустақиллик, инсонпарварлик, ватанпарварлик туйғусини шакллантириш, миллий анъаналаримиз ва урф-одатларимиз давомийлигини, равнақини, уларнинг умуминсоний қадриятлар билан уйғунлашиб боришини таъминлаш зарурдир.



O’zbek olimlari tomonidan xitoy tarixining o’rganilishi

ToshDSHI
Илм-фан

 


Maftuna Rahmatullayeva


s.f.n. Sh.Shozamonov


TDSHI


 


    Yurtimiz mustaqillikni qo’lga kiritgandan so’ng jahon ham­ja­mi­yatida o’z o’rni, o’z mavqeyi va o’z so’ziga ega bo’lib bor­moq­da. Dunyo miqyosidagi ko’plab mamlakatlar yurtimiz bilan de­yar­li barcha jabhalarda xalqaro do’stona aloqalarni o’rnatib kel­moq­da. Hozirda o’zining jadal sur’atlarda rivojlanishi bilan dun­yoning ko’plab mamlakatlariga o’rnak bo’layotgan Xitoy Xalq Res­publikasi (XXR) hamda O’zbekiston o’rtasida madaniy, ijti­moiy, iqtisodiy va siyosiy sohalarda do’stona aloqalar o’rnatib ke­lin­moqda. Ayniqsa, ta’lim va ilm-fan sohasidagi o’rnati­layot­gan munosabatlar kundan-kunga rivojlanib, o’z natija-mahsulini ko’r­satmoqda.


      Tarixdan nazar tashlaydigan bo’lsak ham, bu ikki davlat o’r­ta­sida qadimdan o’zaro aloqalar o’rnatilganligi barchamizga ayon. Buni biz qadimgi Xitoy solnomalarida va ko’plab Xitoy tarix­chi mutafakkirlarining kitoblarida yurtimiz o’tmishi, undagi o’l­kalar hamda millat va elatlar to’g’risida ma’lumotlar yozib qoldirilganligini misol qilib keltirishimiz mumkin. Aynan mana shu omilga ko’ra ham hozirda o’zbek olimlari va tarixchilari to­mo­­nidan qadimgi Xitoy manbalarini o’rganib kelinmoqda va bu iz­lanish hamda tadqiqotlar ikki davlat o’rtasidagi amalga oshi­­rilayotgan diplomatik va do’stona aloqalar rivoji uchun o’z xis­­sasini qo’shmoqda. Ayniqsa, mustaqillikdan so’ng olib bo­ril­gan tadqiqotlar va amalga oshirilgan ishlar o’zining yanada keng miq­yosda rivojlanganligi bilan diqqatga sazovordir.



Жамиятни маънавий-маърифий ўсишида миллий ва диний қадриятларнинг тикланиши

ToshDSHI
Илм-фан

У. Умарходжаева — ТошДШИ


     Ўзбекистан халклари узларининг кадимий ва ижобий кадриятларига бой тарихида кўпгигина динларга хурмат билан қараганлар ва ўз даврларига мансуб илғор ижобий қадриятларни шакллантириш борасида улардан унумли фойдалана билганлар.


      Ижобий кадриятлар юзага келган жараёнида диний кадриятлар, маросимлар, ибодатлар мухим омил бўлиб хизмат килган. Дин, хусусан ислом билан боғлиқ кадриятларни ўрганиш ва улардан фойдаланиш борасида фақатгина ислом ғоялари ва маросимларини ўрганиш билан чекланиб колиш етарли эмас. Айни замонда дин билан боғлиқ қадриятларни ўрганиш динпарстлик билан боғланмаслиги керак. Динпарстлик хеч қаерда, хеч қачон ижобий қадрият хисобланмаган. қолаверса, Ўзбекистон халклари тарихида мухим ахамиятга эга бўлган ва нисбатан узок тарихий даврларда мавжуд бўлган зардуштийлик, буддавийлик, исовийлик динларининг тарихини ўрганмасдан туриб, ислом дини тарихининг ўзини хар томонлама билиш мумкин эмас.



O‘zbek tili darslarida mustaqil ta’limni samarali tashkillashtirish

ToshDSHI
Илм-фан

f.f.n. Sh.B.Sodiqova


ToshDShI


“Zamonaviy axborot va kompyuter texnologiyalari, raqamli va keng formatli telekommunikatsiyalar, internetni nafaqat maktab, litsey, kollej va oliy o‘quv yurtlariga, balki har bir oilaga joriy qilish harakatlari bugungi kunda tobora kuchayib bormoqda. Aynan zamonaviy aloqa va axborot texnologiyalari tizimini keng ko‘lamda rivojlantirish mamlakatimiz va jamiyatimiz taraqqiyotda rajasini ko‘rsatadigan mezonlardan biri bo‘lib xizmat qiladi.[1]


 Kadrlar tayyorlash bo‘yicha davlat dasturiga muvofiq oily ta’lim o‘quv dasturlarida har bir fan yuzasidan mustaqil ishni tashkillashtirish va o‘tkazish uchun muayyan miqdorda soatlar ajratilgan.


O‘liy o‘quv yurtlarida mustaqil ta’lim jarayonini zamon talabi doirasida kompyuter texnologiyalari yordamida tashkillashtirish talabalarning darslarga bo‘lgan qiziqish va ishtiyoqlarini kuchaytiradi va ta’lim samaradorligini  oshiradi.



Конфуций таълимотида 孝 xiao ота-онага ҳурмат тушунчаси

ToshDSHI
Илм-фан

Исматуллаева Наргиза Расулжановна, ТДШИ


   Ота-онага эҳтиром бу халқимизнинг қон-қонига сингиб кетган қадриятларидан биридир. Ота-онани ҳурмат қилиш, уларни қадрлаш, чин қалбдан меҳр кўрсатиш ҳар биримизнинг бурчимиз, табиийлик хусусиятига эга одатимиз қиёфасида юзага чиқади. Мазкур тушунча ҳақида хоҳ ўтмишда, хоҳ ҳозирда, хоҳ келгусида бўлсин, қанча гапирсак ҳеч ҳам ўзининг ахлоқий ва ижтимоий долзарблигини йўқотмайди. Ота-онага ҳурмат тушунчасини ҳар бир миллат ўз дунёқараши, тарбияси, руҳиятидан келиб чиққан ҳолда ўзича тушунади. Бир миллатнинг мазкур тушунчани “диққат назаридан четда қолдираяпти, ёки кундан-кунга уни йўқотаяпти” дейиш назаримда ноўрин. Ҳеч бир миллат йўқки, ўз ҳаётида ота-онани сўнгги қаторларга қўйса; ҳеч бир миллат йўқки, ота-онага нисбатан муҳаббат туйғусин туймаса; ҳеч бир миллат йўқки ота-онанинг борлигига шукрона келтирмаса; ҳеч бир миллат йўқки ота-онани мадҳ этмаса, ота-она ҳақида қўшиқ куйламаса. Фақатгина бундай туйғулар инсонларда турли шакл ва даражада намоён бўлади.